മോദിക്കെതിരേ മുദ്രാവാക്യം വിളിക്കുന്നവരെ ജീവനോടെ കുഴിച്ചുമൂടും: ബിജെപി മന്ത്രി.
ലക്നോ: പ്രധാനമന്ത്രി നരേന്ദ്ര മോദിക്കും ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനുമെതിരേ മുദ്രാവാക്യങ്ങള് മുഴക്കുന്നവരെ ജീവനോടെ കുഴിച്ചുമൂടുമെന്ന് ഉത്തര്പ്രദേശ് മന്ത്രി രഘുരാജ് സിംഗ്. അലിഗഡില് പൗരത്വ നിയമ ഭേദഗതിയെ പിന്തുണച്ചു കൊണ്ടുള്ള ഒരു റാലിയില് സംസാരിക്കുകയായിരുന്നു മന്ത്രി.
പ്രധാനമന്ത്രി നരേന്ദ്ര മോദിക്കും ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനുമെതിരേ മുദ്രാവാക്യങ്ങള് മുഴക്കുന്നവരെ ഞാന് ജീവനോടെ കുഴിച്ചുമൂടും. ഒരു ശതമാനം ആളുകള് മാത്രമാണു പൗരത്വ നിയമ ഭേദഗതിയെ എതിര്ക്കുന്നത്. അവര് ഇന്ത്യയില് താമസിച്ച്, നമ്മുടെ നികുതിപ്പണത്തിന്റെ പങ്കുപറ്റി, നമ്മുടെ നേതാക്കള്ക്കെതിരേ മൂര്ദാബാദ് വിളിക്കുന്നു. ഈ രാജ്യം എല്ലാ വിഭാഗക്കാര്ക്കും വേണ്ടിയുള്ളതാണ്. എന്നാല്, പ്രധാനമന്ത്രി നരേന്ദ്ര മോദിക്കും ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനുമെതിരായ മുദ്രാവാക്യങ്ങള് അംഗീകരിക്കാനാകില്ല- ബിജെപി നേതാവ് പറഞ്ഞു. മുന് പ്രധാനമന്ത്രി ജവഹര്ലാല് നെഹ്റുവിനെതിരേയും രഘുരാജ് സിംഗ് പരാമര്ശങ്ങള് നടത്തി. നെഹ്റുവിന്റെ ജാതി എതായിരുന്നെന്നും മന്ത്രി ചോദിച്ചു. യോഗി ആദിത്യനാഥ് സര്ക്കാരില് തൊഴില് മന്ത്രിയാണു രഘുരാജ് സിംഗ്.
0 Comments