റീഎൻട്രി വിസയിൽ രാജ്യം വിട്ടുപോയില്ലെങ്കിൽ പിഴ
റിയാദ്: സൗദി അറേബ്യയില് പുറത്തുപോയി തിരിച്ചുവരാനായി റീ-എന്ട്രി വിസ അടിച്ചശേഷം ഉപയോഗിച്ചിട്ടില്ലെങ്കിൽ പിഴ. രാജ്യം വിട്ടുപോകാത്തവര് റീ എൻട്രി വിസ റദ്ദ് ചെയ്തില്ലെങ്കില് പിഴ ചുമത്തും. ഓണ്ലൈന് പോര്ട്ടലായ അബ്ഷിറിലൂടെയാണ് റീ എന്ട്രി റദ്ദാക്കേണ്ടതെന്ന് ജവാസാത്ത് ഡയറക്ടറേറ്റ് അറിയിച്ചു. വീണ്ടും റീ എൻട്രി വിസ വേണമെങ്കിൽ വീണ്ടും ഫീസടക്കണം. റീ എന്ട്രി വിസ അടിച്ചശേഷം ഏതെങ്കിലും കാരണവശാൽ രാജ്യം വിട്ടുപോകാന് സാധിക്കാതെ വന്നാല് ഉടൻ റദ്ദാക്കാൻ ശ്രദ്ധിക്കുക. വിസയില് രാജ്യം വിടാനായി രേഖപ്പെടുത്തിയിരിക്കുന്ന അവസാന തീയതിക്ക് മുമ്പായി റദ്ദു ചെയ്യണം. അല്ലാത്ത പക്ഷം വലിയ പിഴയൊടുക്കേണ്ടിവരും. ഒരിക്കല് അടിച്ച റീഎന്ട്രി വിസയില് ഏതെങ്കിലും വിധത്തിലുള്ള ഭേദഗതികള് വരുത്തുന്നതിനോ കാലാവധി ദീര്ഘിപ്പിക്കുന്നതിനോ സാധ്യമല്ല. നിശ്ചിത സമയത്തിനകം രാജ്യം വിടാന് സാധിക്കാതെ വന്നാല് റീ എന്ട്രി വിസ റദ്ദ് ചെയ്ത്, ആവശ്യം വരുന്ന സമയത്ത് വീണ്ടും പുതിയ റീ എന്ട്രി വിസക്കായി ഫീസ് അടച്ച് അപേക്ഷിക്കുക മാത്രമാണ് വഴി. റീ എൻട്രി റദ്ദാക്കുന്നതോടെ നേരത്തേ അടച്ച ഫീസ് തിരിച്ച് ലഭിക്കുകയുമില്ല. ജവാസത്തിെൻറ ഓണ്ലൈന് സേവനമായ അബ്ഷിറിലൂടെ തൊഴിലുടമയുടെ അക്കൗണ്ട് വഴിയാണ് റീ എന്ട്രി വിസ റദ്ദാക്കേണ്ടതെന്ന് ഡയറക്ടറേറ്റ് അറിയിപ്പിൽ പറയുന്നു.




0 Comments