ഡോണള്ഡ് ട്രംപിന്റെ തലയ്ക്കു വിലയിട്ട് ഇറാന്; വധിച്ചാല് പ്രതിഫലം 576 കോടി
ടെഹ്റാന്: അമേരിക്കന് പ്രസിഡന്റ് ഡോണള്ഡ് ട്രംപിന്റെ തലയ്ക്കു വിലയിട്ട് ഇറാന്. ട്രംപിനെ ഇല്ലാതാക്കാന് 80 മില്ല്യണ് യുഎസ് ഡോളര് (ഏകദേശം 576 കോടി രൂപ) പാരിതോഷികമാണ് ഇറാന് പ്രഖ്യാപിച്ചിരിക്കുന്നതെന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നു. ഇറാനിയന് രഹസ്യാന്വേഷണ വിഭാഗം തലവന് ഖാസിം സുലൈമാനിയുടെ കൊലപാതകത്തിന് പ്രതികാരമായാണ് ഇറാന്റെ നടപടി.
ഇറാന്റെ ദേശീയ മാധ്യമത്തിലൂടെ മുതിര്ന്ന സൈനിക കമാന്ഡര് പണപ്പിരിവിന് ആഹ്വാനം ചെയ്തു എന്നാണു റിപ്പോര്ട്ട്. എല്ലാ ഇറാനിയന് പൗരന്മാരില്നിന്നു ഓരോ ഡോളര് വീതം ശേഖരിച്ച് ട്രംപിനെ വധിക്കുന്നവര്ക്കു നല്കാനുള്ള പണം കണ്ടെത്തുമെന്നും പ്രഖ്യാപനമുണ്ടായതായി ബ്രിട്ടീഷ് മാധ്യമമായ മിറര് റിപ്പോര്ട്ട് ചെയ്യുന്നു. 80 ദശലക്ഷം പൗരന്മാരാണ് ഇറാനിലുള്ളത്.
ഇറാന് റെവലൂഷനറി ഗാര്ഡ്സിലെ ഉന്നതസേനാ വിഭാഗമായ ഖുദ്സ് ഫോഴ്സ് തലവന് ജനറല് ഖാസിം സുലൈമാനി യുഎസ് വ്യോമാക്രമണത്തില് കൊല്ലപ്പെട്ടതിനു പ്രതികാരം ചെയ്യുമെന്ന് ഇറാന് പ്രഖ്യാപിച്ചിരുന്നു. യുഎസിനെ ആക്രമിച്ചാല് ഇറാനിലെ 52 കേന്ദ്രങ്ങളില് അതിവേഗത്തില് ശക്തമായ ആക്രമണമുണ്ടാമെന്നാണു ട്രംപിന്റെ മറുപടി.
0 Comments