ന്യൂഡല്‍ഹി: കേന്ദ്ര ബജറ്റിനെ രൂക്ഷമായി വിമര്‍ശിച്ച്‌ കോണ്‍ഗ്രസ് നേതാവ് രാഹുല്‍ ഗാന്ധി രംഗത്ത്. കേന്ദ്രധനമന്ത്രി നിര്‍മല സീതാരാമന്‍ അവതരിപ്പിച്ച ബജറ്റ് ആവര്‍ത്തിച്ചുള്ളതും ലക്ഷ്യമില്ലാത്തതും പൊള്ളയുമാണെന്ന് രാഹുല്‍ ഗാന്ധി പറഞ്ഞു.
തൊഴിലില്ലായ്മയാണ് പ്രധാന പ്രശ്നം. യുവാക്കള്‍ക്ക് തൊഴില്‍ നേടാന്‍ സഹായിക്കുന്ന തന്ത്രപരമായ ഒരു ആശയവും ബജറ്റില്‍ താന്‍ കണ്ടില്ലെന്നും രാഹുല്‍ പറഞ്ഞു. സര്‍ക്കാരിന്‍റെ വിശദീകരണങ്ങള്‍ നല്ലതാണ്. എന്നാല്‍ പലതും ആവര്‍ത്തനങ്ങളും ലക്ഷ്യമില്ലാത്തതുമാണ്. സര്‍ക്കാര്‍ വാഗ്ദാനങ്ങള്‍ ഒന്നും നടപ്പാക്കുന്നില്ലെന്നും അദ്ദേഹം പറഞ്ഞു.
ആദായനികുതി സന്പ്രദായം സങ്കീര്‍ണമാക്കിയെന്നും എല്‍ഐസിയുടെ ഓഹരി വില്‍ക്കുമെന്നും സര്‍ക്കാര്‍ പ്രഖ്യാപിച്ചുവെന്നും രാഹുല്‍ വിമര്‍ശിച്ചു.
0 Comments