4ജി ഡൗണ്ലോഡ് സ്പീഡില് ജിയോ ഒന്നാമത്, അപ്ലോഡില് വോഡഫോണ്
കൊച്ചി•4ജി ഡൌണ്ലോഡ് സ്പീഡ് റാങ്കിംഗില് സെക്കന്ഡില് 20.9 എംബിപിഎസ് വേഗതയില് റിലയന്സ് ജിയോ മുന്നിലെത്തി. ജനുവരിയില് 4ജി അപ്ലോഡ് വേഗതയില് വോഡഫോണ് ഒന്നാമതെത്തിയതായി ടെലികോം റെഗുലേറ്റര് ട്രായുടെ കണക്കുകള് വ്യക്തമാക്കുന്നു.
നവംബറില് റെക്കോര്ഡുചെയ്ത 27.2എംബിപിഎസ് വേഗത കുറഞ്ഞെങ്കിലും റിലയന്സ് ജിയോ ചാര്ട്ടില് മുന്നിലെത്തി. കമ്ബനിയുടെ അടുത്തുള്ള എതിരാളിയായ ഭാരതി എയര്ടെലിനേക്കാള് മൂന്നിരട്ടി വേഗത ഉണ്ടായിരുന്നു.
ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) പ്രസിദ്ധീകരിച്ച കണക്കുകള് പ്രകാരം ഭാരതി എയര്ടെല് നെറ്റ്വര്ക്കിന് ശരാശരി 4ജി ഡൗണ്ലോഡ് വേഗത 7.9എംബിപിഎസ്, വോഡഫോണ് 7.6എംബിപിഎസ്, ഐഡിയ 6.5എംബിപിഎസ് എന്നിവയാണ്.
6എംബിപിഎസ് ഡാറ്റാ വേഗതയുള്ള അപ്ലോഡ് വേഗതയില് വോഡഫോണ് ഒന്നാമതെത്തി. 5.6എംബിപിഎസ് ഐഡിയ, റിലയന്സ് ജിയോ 4.6എംബിപിഎസ്, എയര്ടെല് 3.8എംബിപിഎസ് എന്നിവയാണ് അപ്ലോഡ് വേഗത രേഖപ്പെടുത്തിയത്.




0 Comments