തിരുവനന്തപുരം: മെറ്റല് ഇന്ഡസ്ട്രീസ് ലിമിറ്റഡ് സിഎംഡി ജേക്കബ് തോമസിനെതിരേ അനധികൃത സ്വത്ത് സന്പാദന കേസില് വിജിലന്സ് കേസ് രജിസ്റ്റര് ചെയ്ത് അന്വേഷണം നടത്തണമെന്ന് ക്രൈംബ്രാഞ്ച് ഡയറക്ടര് സര്ക്കാരിനോട് ശുപാര്ശ ചെയ്തിട്ടുണ്ടെന്ന് മുഖ്യമന്ത്രി പിണറായി വിജയന് നിയമസഭയെ അറിയിച്ചു.
വിജിലന്സ് ഡയറക്ടറെ ചുമതലപ്പെടുത്തണമെന്നും ശുപാര്ശയില് വ്യക്തമാക്കിയിട്ടുണ്ട്. റിപ്പോര്ട്ട് പരിശോധിച്ച് വരികയാണെന്നും മുഖ്യമന്ത്രി പറഞ്ഞു. ഡിജിപി പദവിയിലുള്ള ജേക്കബ് തോമസ് അനധികൃതമായി സ്വത്ത് സന്പാദിച്ചെന്ന പരാതിയില് ആദായ നികുതി വകുപ്പിന്റെ അന്വേഷണം പുരോഗമിക്കുകയാണെന്നും യു.ആര്. പ്രദീപിന്റെ ചോദ്യത്തിന് മറുപടിയായി മുഖ്യമന്ത്രി നിയമസഭയെ അറിയിച്ചു.
0 Comments